1. የውሉ መሠረት የሆኑ ሁኔታዎች

ይህ ውል፤ የውል መጠየቂያ ሠንጠረዡ እና ከዚህ ጋር ተያይዞ ያለ ማንኛውም ማስታወሻ እንደ አንድ ሰነድ ይቆጠራሉ፡፡ እንዲሁም ማንኛውም ቦታ የተለየ ትርጉም የተሰጠው ማንኛውም ቃል ወይም አገላለፅ እስከመጨረሻው ይህንኑ ትርጉም ይይዛል፡፡

ድርጅቱና መድን ገቢው እንደሚከተለው ተስማምተዋል፡፡

የውል መጠየቂያ

1. የውል መጠየቂያው ሠንጠረዥ የውሉ አካልና የውሉ መሠረት ሆኖ ያገለግላል፣
2. መድን ገቢው ተገቢውን አረቦን ይከፍላል፣
3. በዚህ ውል መሠረት ድርጅቱ የመድን ሽፋን ይሰጣል፡፡

ድርጅቱ ኃላፊነት ከመውሰዱ በፊት መሟላት ያለባቸው ቅድመ ሁኔታዎች፡-

በውል ዘመኑ ውስጥ መድን ገቢው ህመም ቢያገኘው ወይም ድንገተኛ የአካል ጉዳት ቢደርስበት ለባለዋስትናው የሚደረጉት አጠቃላይ ገደቦች እንደተጠበቁ ሆነው በውል ዘመኑ ውስጥ መድን ገቢው ቢታመም ወይም በአደጋ ምክንያት የአካል ጉዳት ቢያጋጥመው በመድን ገቢው ላይ ተፈፃሚ የሚሆኑት ገደቦች እንደተጠበቁ ሆነው በ12 ወራት ውስጥ ላወጣው ወጪ ድርጅቱ ማካካሻ ይከፍላል፡፡

ድርጅቱ የሚሸፍናቸው የሕክምና ወጪዎች ከፍተኛ መጠን በሚከተሉት ሁኔታዎች ይወሰናል፡-

ሀ. የቡድን ድንገተኛ አደጋ ወጪዎች

ለመድን ገቢው ሕይወት የሚያሰጋ የጤና ችግር መድን ገቢውን በማጋጠሙና የጤንነቱን ሁኔታ ለማሻሻል አስቸኳይ ህክምና በማስፈለጉ ምክንያት ድንገተኛ ወጪ ቢወጣ ደንበኛው ተጨማሪ አረቦን እንደሚከፍል ታሳቢ በማድረግ ድርጅቱ ወጪውን ይሸፍናል፡፡

ድርጅቱ ይህንን ወጪ የሚተካው ለመድን ገቢው በመደበኛው ሽፋን ሊያገኛቸው የሚገቡ ጠቀሜታዎች ሙሉ ለሙሉ ሲጠናቀቁ ብቻ እና ሕክምናው ከዚህ በታች በተዘረዘሩት ምክንያቶች የግድ አስፈላጊ ሆኖ ሲገኝ ነው፡፡

1. ሕክምናው ከፍተኛ ጥንቃቄና ክትትል የሚያስፈልገው መሆኑ ሲረጋገጥ፣
2. ሕክምናው ሀገር ውስጥ ባለመኖሩ ወደ ውጭ ሀገር በመሄድ መታከም የሚያስፈልግ መሆኑ ሲረጋገጥ፣
3. ከላይ በተራ ቁጥር 1 እና 2 በተጠቀሱት ሁኔታዎች ምክንያት ለረዥም ጊዜ በሆስፒታል ቆይቶ መታከም አስፈላጊ ሲሆንና

እንዲሁም ከላይ በተራ ቁጥር 2 ለተቀመጠው ቅድመ ሁኔታ ድርጅቱ ክፍያ የሚፈፅመው በሀገር ውስጥ በቂ ሕክምና ለማግኘት የማይቻል ሲሆንና ድርጅቱ የራሱን የሕክምና ባለሙያዎችን ምክር የመጠየቅ መብቱ ተጠብቆና የአማካሪው ሃሣብ ሁሉንም ወገኖች የሚያስማማ ሆኖ ሲገኝ ነው፡፡

የድርጅቱ የኃላፊነት ጣራ በውል ሠንጠረዡ ላይ ከተቀመጠው የዋስትና መጠን የበለጠ አይሆንም፤ በአማራጭ ሽፋኖች የተገለፀው የኃላፊነት ገደብ በቡድን የተሰጠ ከሆነ የካሣ ክፍያው መጠን ለጠቅላላ ለቡድኑ እንጂ ለእያንዳንዱ ግለሰብ የሚፈፀም አይደለም፡፡ እንዲሁም ይህ መጠን ቡድኑን በተመለከተ በዋስትናው ዘመን ድርጅቱ ተጠያቂ የሚሆንበት ከፍተኛ መጠን ነው፡፡ የሽፋን መጠኑም ካሣ በተከፈለ ቁጥር እየቀነሰ ይመጣል፡፡

ለ. የጥርስ ሕክምና ወጪዎች

ድርጅቱ ተጨማሪ አረቦን በማስከፈል ለህክምናና ከሕክምና ጋር በተያያዘ ለሚሰጥ የምክር አገልግሎት፣ ለጥርስ መነቀያና መሙያ እንዲሁም በድንገተኛ፣ ውጪያዊ በሆነና በሚታይ መልኩ በጥርስ ላይ ለደረሰ አደጋ የሚወጣውን ወጪ ድርጅቱ ይሸፍናል፡፡

ልዩ ማግለያዎች

ድርጅቱ በሚከተሉት ሁኔታዎች ለሚፈፀም ክፍያ ኃላፊ አይሆንም፡፡

ገደቦች

በውል ዘመኑ ውስጥ የሚፈፀመው የካሣ ክፍያ መጠን የሚወሰነው ሠንጠረዡ ላይ በተገለፀው የሽፋን መጠን ይሆናል፡፡

ሐ. የመነፅር ወጪዎች

ድርጅቱ የመድን ገቢውን የመነፅር ወጪ፤ በድንገተኛ፣ በውጫዊና በሚታይ ምክንያት ወይም አይንን ወይም ኦኘቲክ ነርቭን በሚጎዱ ህመሞች የተነሣ በመድን ገቢው ዓይኖች ላይ ለደረሰ ጉዳት የሚወጣን የሕክምና ወጪ በተጨማሪ አረቦን ክፍያ ይሸፍናል፡፡

ሆኖም በዚህ ክፍል በማንኛውም የውል ዘመን የሚደረገው አጠቃላይ ክፍያ በሠንጠረዡ ላይ ለመነፅር ወጪዎች ተብሎ ከተቀመጠው መብለጥ አይኖርበትም፡፡

ልዩ ማግለያዎች

ድርጅቱ በሚከተሉት ሁኔታዎች ለሚወጡ ወጪዎች ኃላፊነት አይኖርበትም፡፡

አጠቃላይ ማግለያዎች

1. ድርጅቱ ከሚከተሉት ሁኔታዎች ጋር በተያያዘ ለተከሰተ የአካል ጉዳት ወይም በሽታ ወይም ህመም ኃላፊነት አይኖርበትም፡፡

2. በመድን ገቢው በራሱ በተደረገ አስተዋፅኦ ለደረሰ የአካል ጉዳት፣ ህመም ወይም በሽታ ወይም የህክምና ወጪዎች

3. በሚከተሉት ምክንያቶች ለሚደርስ የሕክምና ወጪ

3.ከሌላ የመድን ሽፋን ወይም ከሌላ ምንጭ፣ ከሠራተኛ ጉዳት ካሣ ጠቀሜታዎች ወይም ከመንግሥት ኘሮግራም ወይም ከካሣ ክፍያ ወጪው የተሸፈነለት ወይም ሊሸፈንለት ከቻለ፤ ለሕክምናው ተጨማሪ ወይም ከእነዚህ ተቋማት ከሚገኘው ካሣ መጠን በላይ የሆነ ገንዘብ ከአላስፈለገ በስተቀር ወጪው አይሸፈንም፡፡

የሚሟሉ ሁኔታዎች

1. የካሣ ክፍያ የሚያስነሳ ክስተት በተፈጠረ በ3ዐ ቀናት ውስጥ የፅሑፍ ማስታወቂያ ለድርጅቱ መቅረብ አለበት፣
2. ድርጅቱ የሚፈልጋቸው ሰርተፊኬቶች፣ መረጃዎችና ማስረጃዎች በሙሉ ያለምንም ክፍያ ድርጅቱ በአዘጋጀው ቅፅ ላይ ተሞልተው መቅረብ ይኖርባቸዋል፡፡ ከማንኛውም የካሣ ጥያቄ ጋር በተያያዘ ድርጅቱን በመወከልና በድርጅቱ ወጪ በተፈለገ ጊዜ ሁሉ መድን ገቢው ለጤና ምርመራ መቅረብ አለበት፡፡
3. መድን ገቢው ወይም የመድን ገቢው የግል ተወካይ የካሣ ክፍያ መቀበላቸው ድርጅቱን ከኃላፊነት ነፃ ያደርገዋል፡፡ መድን ገቢው ወይም ወኪሉ ድርጅቱን የመክሰስ መብት ፈፅሞ አይኖራቸውም:: መድን ገቢው በሽፋኑ የመጠቀም መብት ያላቸው ከአንድ በላይ የሆኑ ወገኖች ካሉ በጠቅላላው የሚፈፀመው የካሣ ክፍያ መጠን በዚህ የመድን ሽፋን መሠረት ለመድን ገቢው የሚከፈለውን ያህል ብቻ ይሆናል፡፡
4. ድርጅቱ በራሱ ወይም በመድን ገቢው ስም በዚህ የመድን ሽፋን መሠረት ከማንኛውም ሦስተኛ ወገን የሚገኝን የካሣ ክፍያ ተፈፃሚነት አረጋግጦ ጠቀሜታውን ለማግኘት በማንኛወም ጊዜ በራሱ ወጪ እንቅስቀሴ ለማድረግ ሥልጣን ይኖረዋል፡፡ ድርጅቱ ለዚህ የሚፈልገውን ማንኛውንም ድጋፍ መድን ገቢው ያደርግለታል፡፡
5. በዚህ ውል መሠረት የሚፈፀም ክፍያ ወለድ አይኖረውም፡፡
6. ድርጅቱ ከዚህ ውል ጋር በተያያዘ ወይም በዚህ ውል መሠረት ማንኛውንም የክፍያ ትዕዛዝ ወይም የወለድአገድ ማስታወቂያ እንዲቀበል አይገደድም፡፡
7. መድን ገቢው የሚያከማውነውን ማንኛውንም ሥራ ተፅዕኖ በሚያሳድር መልኩ ለውጥ ወይም የእንቅስቃሴ ለውጥ ከተከሰተ አግባብ ባለው ጊዜ ውስጥ ለድርጅቱ በፅሑፍ ያሳውቃል፤ እንዲሁም በዚህ ምክንያት ድርጅቱ የሚጠይቀውን ማንኛውንም ተጨማሪ አረቦንም ይከፍላል፡፡
8. የመጀመሪያው ወይም የውል ዕድሳት አረቦኑ መድን ገቢው ባቀረበው መረጃ ላይ በመመሰረት የተሰላ ከሆነ መድን ገቢው ትክክለኛና ዝርዝር መረጃዎችን መዝግቦ በመያዝ ድርጅቱ እነዚህን መረጃዎች እንዲመረምር ይፈቅድለታል፡፡ መድን ገቢው እነዚህን መረጃዎች የውል ጊዜው በአበቃ አንድ ወር ጊዜ ውስጥ ለድርጅቱ አዘጋጅቶ ያቀርባል፡፡ በዚህ ላይ በመመስረትም አረቦኑ ወይም የእድሳት አረቦኑ ይስተካከላል፡፡
9. ድርጅቱ ወይም መድን ገቢው በመጨረሻ በሚታወቅበት አድራሻ የ14 ቀናት ማስጠንቀቂያ በመስጠት ውሉን መሰረዝ ይችላሉ፡፡ ውል ለመሰረዝ ማስታወቂያ የሰጠው ድርጅቱ ከሆነ መድን ገቢው ሽፋን ያላገኘበት ጊዜ አረቦን ይመለስለታል፡፡ ውል ለመሰረዝ ማስታወቂያ የሰጠው መድን ገቢው ከሆነና በውል ዘመኑ ውስጥ ምንም ዓይነት የካሣ ክፍያ ጥያቄ ካላቀረበ በድርጅቱ የአጭር ጊዜ ስሌት መሠረት የአረቦን ተመላሽ ይደረግለታል፡፡